منتديات عاشق روحي

منتديات عاشق روحي منتدا حلو
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 كفايه قسوة العالم تعال بحتاجلك دايم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق روحي
مدير المنتديات


عدد المساهمات : 23
تاريخ التسجيل : 04/09/2010

مُساهمةموضوع: كفايه قسوة العالم تعال بحتاجلك دايم    الأحد سبتمبر 12, 2010 12:18 pm

" الجزء الأول"


. Sad ...: متى يعني بتخليني بحالي والله تعبت من المشاكل انت ماتفهم
..: انا احبش ومستحيل اسمح انش تكونين لواحد غيري فاهمة بالطيب او بالغصب
....: انت واحد مو من مستواي ومستحيل تطولني
..: اممم بس بغيت اخبرش اني خذيت صورش من بنت عمي
كلامه كان له صدمة قوية لها
....: والي يعافيك ردهم لي وخليني بحاليي
..: هههههه مو بهالسهولة تبينهم تعالي خذيهم
....:اوكي بس وين
كانت صدمتها اكبر من انها تفكر بعواقب الأمور
..: انا بتصل فيش وبخبرش كوني ع انتظار
وسكر الخط بدون مايسمع ولا كلمة منها .....


مر اسبوع وهي كانت تنتظر اتصاله ع احر من الجمر .. كانت قاعدة في غرفتها ودمعتها ع خدها وماتدري ايش تسوي او شلون تفكر .. كان الموضوع شاغل بالها ومو عارفة شلون تتصرف او تطلع من هالبلوى.. قطع تفكيرها رنة تلفونها
..: باجر عقب ماتطلعين من المدرسة انا موجود واظنش تعرفين سيارتي زين
....: انزين شلون
.. : مالش خص يلا باي ...
طوط طوط طوط


خبرت امها قبل لا تطلع انها بتروح مع صاحبتها عقب مايطلعو من المدرسة, كانت في عالم ثاني طول الوقت ومتخوفة من الموضوع وكانت تحسب الثواني والدقايق والساعات .. رن الجرس وأعلن نهاية الدوام وبداية ألم في حياتها .. طلعت بسرعة من المدرسة راحت تمشي لوين ماوصف ليها انه بوقف كان ممر ضيق كانت تمشي وخايفة ان يصيدها شي وطول الوقت كانت تسمي وتقرا ايات ان الله ينجيها ويطلعها سالمة وصلت لوين هو واقف ويوم شافها بطل الدريشة
....: لو سمحت عطني صوري..
..: وعليكم السلام
....: لا تطولها وهي قصيرة وصوري جيبهم بسرعة ..
..: اقول بلا طوالة لسان تبينهم دشي السيارة واخذيهم..
....: تخسي الا انت مو انه الي اركب معاك .. خلهم عندك نقعهم واشرب مايهم
نزل من السيارة واتجه لها خافت فركضت بس تعثرت بحصاة وطاحت, قرب منها وشدها من ذراعها , تمت تصارخ وتدفعه عنها بس هو كان اقوى منها وبما ان الوقت ظهر فمحد يتواجد هالوقت في الشارع دخلها السيارة وقفل الباب كان بكل وقاحة بدا يعتدي عليها وكانت ماتقدر تبتعد عنه المكان محكور وضيق وهي ماتقدر تقاومه ولحسن حظها كان بجنبها غرشة مشروب مسكتها وضربته ع راسه , بطلت باب السيارة وطلعت عدلت من شكلها وحاولت تتماسك عشان محد يجوفها في الشارع وتصير لها فضيحة.







عايلة علي ابو حسين
علي ابو حسين عمره 50 سنة متزوج بت عمه فاطمة ويكبرها ب5 سنين وعندهم اربع اولاد صبيان ثنين وبنات ثنتين ولدهم العود حسين عقب حنين وعقب احمد واخر العنقود الريم
حسين عمره 26 يدرس هندسة ميكانيكة في كلية الهندسة طوله 180 ووزنه 80 جسمه متناسق وحلو لون بشرته برونزي وعيونه واسعة ولونها شهلاوي وخشمه طويل ودقيق وشعره ناعم واسود يوصل لرقبته
حنين عمرها 22 سنة ثالثة طب اسنان طولها 160 ووزنها 59 لون بشرتها حنطي فاتح وعيونها واسعة عسلية خشمها طويل وضعيف وشفتها صغيرة وشعرها مايل على البني لنص كتفها ناعم
احمد عمره 21 سنة ثانية هندسة كومبيوتر طوله 176 ووزنه 70 لون بشرته حنطي وعيونه واسعة وعسليه وشعره مايل على البني بعد طويل لين رقبته يشبه اخته حنين في الشكل والطبايع حتى
الريم عمرها 17 اخر سنة مدرسة طولها 167 ووزنها 38وبشرتها بيضا وعيونها واسعة عسلية مايلة على الاخضر وخشمها صغير وشفايفها منفخين وشعرها طويل واسود وناعم


عايلة محمد ابو عبدالله
محمد اخو علي الكبير عمره 58 سنة مرته توفت قبل 5 سنين وعنده منها ولد وبنت
عبدالله والي عمره 25 سنة دارس هندسة كهربائية طوله 182 ووزنه 80 جسمه رشيق ومعضل – يلعب في نادي كمال اجسام – بشرته حنطية مايلة على الاحمر وخشمه طويل وضعيف وعيونه واسعة وكحيلة ولونها بني مايل على الرمادي شعره بني ناعم ويوديه دايما على ورا


لجين عمرها 19 اكبر من الريم بسنة وكم شهر وتوام روحها تدرس بنوك سنة اولى طولها 164 ووزنها 58 حنطية وخشمها طويل وضعيف وشفتها صغيرة وعيونها واسعة ولونها عسلي وشعرها بني ناعم يوصلها لين خصرها


عايلة ناصر ابو حسن
ناصر متزوج حميدة اخت محمد وعلي وعمره 62 وعنده خمس عيال صبيان ثنين و ثلاث بنات
حسن عمره 30 متزوج من بنت عمه امل وعمرها 25 عندهم بنت صغيرة اسمها حنان عمرها سنتين
ماريا عمرها 27 ارملة وعندها ولد عمره 4 سنين اسمه بدر
جواد وعمره 25 سنة يشبه احمد ولد خاله علي ودارس صيدلة
هيفاء ولمياء عمرهم 20 توام يدرسون محاسبة سنة ثالثة هيفاء قريبة من بنات خوالها ازيد من بنات عمامها عكس لمياء


عائلة جاسم ابو رضا



جاسم اخو ناصر متوفي اهو ومرته من سنتين في حادث سيارة وعندهم 3 عيال
رضا عمره 36 متزوج من بت خاله وما خلف لحين
أمل والي هي متزوجه من حسن ولد ناصر وعندها حنان
مها عمرها 20 تدرس محاسبة مع بنات عمها وهي قريبة من لمياء كثير



عائلة زهير ابو محمد
زهير ولد عم علي و محمد والي اهو اخو فاطمة مرت علي متزوج ثنتين فضيلة و نادية
جاب من فضيلة 4 بنات فريدة عمرها 25 سنة ومريضة بالسرطان
وفاطمة عمرها 24 سنة متزوجة من فراس سعودي
فرح عمرها 22 سنة مخطوبة لولد خالتها احمد مسافر يدري برا في المانيا
فاتن عمرها 16 سنة ثاني ثنوي وتخصصها ادبي
واما من نادية فرزقه الله بولد واحد وسماه محمد وعمره 12 سنة في ثاني اعدادي


عايلة فراس
فراس شاب عمره 24 وحيد امه وهم ناس على قد حالهم عنده بكالريوس تبريد وتكييف بس يشتغل حمالي في شركة طوله 177 ووزنه 71 ابيض بس الشمس لها اثر كبير على بشرتخ


بعد مرور سنة
.....: باباااااااا جووووفه قوله يجوز عنيي
علي (ابو حسين) : احمد جوووز عن اختك احسن ليييك
احمد : والحين انا شسويت حقها ايي كبر راسها ازيد
نزلت حنين من فوق مستنفرة من الازعاج الي صاير بسبة اختها الريم
حنين: ريموو انتين مو جاهلة الحين عقب جم شهر بصير عمرش 18
الريم: والحين شحارش يعني
حنين: ازعاجش وعدم احترامش لاحد ومن كلموش رحتين للبابا
..: حنين واختش وش سوت الحين عشان هالدباجة الي تكررينها كل مرة خلي ميمي في حالها
ركضت الريم يم اخوها حسين وبحلست عليهم
حسين: وانتين بعد ميمي اعتذري لهم دلين اكبر منش
طالعته وفرت ليهم وقالت: اسفة
فاطمة (ام حسين ): هكو جهز الغدا تعالو تغدو ..
الريم : ان شاء الله الغالية جايين
وراحت تركض لعند غرفة الاكل والكل لحقها تغدوا والكل قام عشان يريح اما الريم فكرت تتصل ببنت عمها عشان تجي لها حدها متمللة وماعندها شي تسويه



..: اقول عبوود حدي زهقانة وخاطري اصفق احد
عبدالله: عبود عينش اشووف واجد ممصختنها
لجين ومادة البوز : انزين عادي اخووي مو قصدي شي
عبدالله: اقول لا تعيدينها لو تجوفين روحج معلقة من البانكة
لجنين طالعت البانكة وبلعت ريقها تتخيل الموقف هنا عبدالله فطس على شكلها من الضحك
عبدالله: اقول اختي تراني مو مجرم وماسويها ههههههههههههههههه
قطع ضحكهم رنة تلفونها
هل لحت لي قمرا من الافلاك
ام لحت لي فلكا من الاقمار
احرقتني من فرط ماائتلق السنا
من نار غيرك كثافة الانوار
ماتبت منك ..
..: هلا حبيبي
لجين: اهلين ميمية
الريم: لجين حبيبي قومي تعالي لي البيت وربي زهقاانة ومتمللة وطفشانة وطاقة جبدي و
لجين: بس بس بسم الله عليش كل هذا فيش
الريم: هههههههههه انزين قومي تعالي
لجين: اوكي بجوف احد يجيبني لش
الريم: نلتقي اذا بيباي
لجين: باي
دارت لاخوها الي سوا روحه نايم من سمع انها تبي تروح بيت عمه اخذت المخدة وصفعتها فيه
لجين: عبود ادري انك مو ناييم يلا اني بروح البس ونازلة
افتر لها وعطاها نظرة
لجين: حطمتني
عبدالله: اقول لا يكثر بسرعة لبسي لا اهون
ركضت وما جاف الا غبارها ضحك ع هبال هالبنية


الريم كانت تنتظر جية لجين لها وكانت قاعدة في غرفتها, شوي واتصلت لها


الحب شائك بيدرا لحقوله
واختارني من اجمل الاطيار
من بيضة في القلب تفقس نغمتي
وتصيح باسمك ...
شالت تلفونها : هلا هلا
لجين: ميما نزلي لي تحت وصلت
الريم: لولو حبيبي تعالي فوق محد في البيت اخواني طلعو
لجين: اوكي جاية
دشت بيت عمها وفصخت عباتها كانت لابسة سكني اسود ضيق وتوب ابيض مخطط باسود بدون كم وكانت مسوية شعرها كيرلي وتتمشى بكل ثقة ومانتبهت حقة المخدة
كان طالع من المطبخ جافها ان شوي وبتطيح ركض ومسكها هنا لجين صار وجهها طماط من الفشلة
حسين: بنت عمي حاسبي مرة ثانية
لجين من الفشلة ماعرفت شتسوي راحت تركض لغرفة الريم وهي تسب وتتوعد فيها دشت الحجرة
لجين: اجل بكل ثقة تقولين محد في البيت اخواني طلعو هاا
الريم كانت تطالعها ومسبه وماتدري شتقول
لجين قعدت ع السرير وغطت وجهها وقعدت تصيح
الريم خافت عليها وجت تهديها:لولو حبيبي شفيش ؟؟ شصاار تحجيي
لجين هدت روحها وقالت لريم الي صار
الريم: ههههههههههههههههههههههههههه واني الي ههههههه عبالي عندش موضوع
لجين خذت المخدة وفرتها عليها
الريم: لولو تصير في احسن البيووووت ههههههههه
لجين: جب فشلة
الريم: حبيبي عادي الا حسوون
لجين: حسون عندش لنه اخوش موانه يالدبة وربي فشلة



حسين طلع من البيت من المصفوق على راسه احساس غريب جاه مع انه متعود على وجودها عندهم بس مايدري ليش وتم يفارر في الشارع ووقف عند البحر ورفع تلفونه واتصل حق عبدالله ولد عمه
حسين: ها ولد العم
عبدالله: هلا خوووك
حسين: عبود جان تمر على ابو الجود وتجوني انا قاعد ع البحر
عبدالله: الله ع الرومانسيي اييييييييه ولد العم
حسين: اقول اتصل لجواد وتعال ولا يكثر ها
عبدالله: العن ابو النفس الي جيي
حسين: عبدالله
عبدالله: ان شاء الله عمي ,, اقول مو جني اكبر منك وتصارخ علي
حسين: حمار يعني الي يتصل ويناديكم
عبدالله: شفيك حسون امزح ويااك ها بو علي
حسين: عبود
عبدالله: الحبيب اقول كل تبن ولا يكثر عبود في عينك شوي وجايك انا وجواد لنه وياي بالاساس..
جواد: اقول بو حماني عطني بكلمه
خذا التلفون: ها بو علي شخبار
حسين: تمام ولد العمة يلا بلا كثرة حجي ترى على ظهري الفاتورة
جواد: العن ابو البخل الي فيك ماهكذا الظن يا اخ العرب
حسين: امزح , انزين تعالو لاه والله مليت
جواد: هههههههههه زين مسافة الطريق



الريم: لجين اخبار الجامعة وياااش
لجين: اوكي بس
الريم: بس شنو لولو تحجي
لجين: فيه طالب حاط دوبه من دووبي مادري شمسوية له اني
الريم: شلون يعني مافهمت
لجين: مادري عنه سخيف
الريم: لولو تحجي شصااير
لجين: ميما كله يلاحقني او يحاججني في السكشن او في أي مكان
الريم: وانتي يالدبة ليش ماتتحجين قولي حق ابوش وجوفي وش يصير فيه
لجين: يعني اقوله
الريم: لا نطري شوي
لجين: من صدقي اتحجى
الريم: اليوم قولي له لا تسكتييين فاهمة
لجين: على امرش عمتي
الريم: جب يلا هههههههه
رن تلفون لجين
شاخت على لحن السنين ولم يزل
بين اللحون يعد في الابكار
احرقتني من فرط ماائتلق السنا
من نار غيرك كثافة الانوار


الريم: قولي له بتنامين عندنا
لجين: ماقدر حياتو مرة ثاانية
الريم: يلا عاد
لجين: انتي تعالي
الريم: اووكيي بس ردي عليه بيحرق التلفون من الاتصال
لجين ردت على تلفونها : هلا
عبدالله: جان لا رديتي
لجين: اسفة انزين شتبي
عبدالله: نزلي تحت بسرعة
لجين: انزين الحين بنجي
وسكرت الخط ..
لجين: يلا ميمية قوومي عبود مستعجل تحت مادري جلب لاحقه شكله
الريم : ههههههههههههههههههههههه
لجين: بلا ضحك ويلا
الريم مادة بوز: مابي زعلت
لجين: ماقدر على البرطم اذا انمد يلا قومي
الريم: هاهاهاهاهها


رن جوالها
زرعنا الورد في الدنيــا
زرعنا الحب من فجر العمر
ماشفنا ريحة نور
زرعناالورد في الدنيا
زرعنا الحب
من فجر العمر
ماشفنا ريحة نور
بعض الناس
عايش فاقد الاحساس
بعض الناس
..: اهلين عمري
عمار: حياتي لمو
لمياء: عيون لمياء
عمار: حبو اطلب طلب وماترديني
لمياء: كلي فدوة لك
عمار: امممم
لمياء: عمري ليش تفكر قوول انت تدري اني مارفض لك طلب
عمار: ابي صورة لش
لمياء ماتوقعت انه بيطلب هالشي منها فسكتت وماعرفت شتقول
عمار: خلاص انسي الموضوع شكلش ماتثقين فيني ولا تحبيني
لمياء: اني ماقلت شي ولا رديت ولا تفسر الموضوع جيي وانت تدري اني احبك



..: هيوفة خلي بدووري عنش وروحي نادي على لمو
هيفاء: من عنوني
بدر: حالة وين بتلوحين (خالة وين بتروحين)
هيفاء: انون حالة بلوح انادي على لمو
بدر: دين لا تتاحلين (زين لا تتاخرين)
هيفاء نزلت لمستواه وباسته بووسة ومشت عنه
وصلت هيفاء لحجرة لمياء جان تسمعها
لمياء: حياتي لا تقول جدي هههه
والله اني احبك ليش يعني
هههههه بلا دلاعة عمرييي
دشت هيفاء الحجرة وهني لمياء نزلت التلفون وسكرت الخط
هيفاء: لمياء شقاعدة تسوين
لمياء بارتباك: ماسوي شييي
هيفاء: لمو حياتي انتي مو صغيرة تعرفين الصح من الغلط
لمياء: انتي مالش خص فيني زين ولا تدخليين في امور ماتعنيش
هيفاء: لمو حياتي لا تضيعين روحش عشان واحد ماتعرفينه
لمياء: لو سمحتي سكري على الموضوع احسن وقولي شتبين بسرعة
هيفاء: تقولش ماريا نزلي معانا تحت
لمياء: شوي وجاية ويكون الافضل تنسين الي سمعتيه
هيفاء طالعتها بنظرة اشمئزاز على الي تسويه ولا استحت حتى نزلت للصالة
ماريا: شفيش هيووفة سرحانة
هيفاء: ......
ماريا : هيووفة , وش فيها ماترد
بدر راح جنب هيفاء يهزها ويناديها : حالة حالة
هيفاء: ها خالة
بدر: ليس ماتلدين (ليش ماتردين)
حملته وخلته على حظنها
بدر: ابي هلاو (ابي حلاو)
هيفاء: فيه فوق في الحجرة روح خذ لك
بدر: ثكرن
ماريا: الا وين لمو مانزلت
هيفاء: شوي وبتنزل
ماريا: شتسوي فووق كل هاالوقت
لمياء: ابد كنت اسولف مع بنت عمي مها
ماريا: ايي زين زين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.gooogle.com
 
كفايه قسوة العالم تعال بحتاجلك دايم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عاشق روحي :: القسم الادبيه :: قصص ورويات-
انتقل الى: